Սույն թվականի նոյեմբերի 8-ին, 15-ին և 22-ին ՀՀ ԿԲ ֆինանսական դիտարկումների կենտրոնի ներկայացուցիչը ՀՀ նոտարական պալատի հրավերով մասնակցել է ՀՀ տարածքում գործող բոլոր նոտարների համար կազմակերպվող դասընթացին:
Դասընթացի շրջանակներում մասնակիցներին ներկայացվել են ՓԼ/ԱՖ դեմ պայքարի մասին ՀՀ օրենքով նոտարների համար նախատեսված պարտականությունները, օրենսդրության վերջին զարգացումները և այլն: Մանրամասն քննարկվել է ս.թ. մարտի 1-ին ՀՀ ազգային ժողովի կողմից ընդունված «Փողերի լվացման և ահաբեկչության ֆինանսավորման դեմ պայքարի մասին ՀՀ օրենքում փոփոխություններ և լրացումներ կատարելու մասին» ՀՀ օրենքով անշարժ գույքի առուվաճառքի գործարքներում անշարժ գույքի գինը 50 միլիոն ՀՀ դրամը գերազանցելու դեպքում, գերազանցող մասով անկանխիկ վճարման պահանջի մեկնաբանությունը, վերջինիս սահմանման անհրաժեշտությունը և հիմքերը, այդ կապակցությամբ նոտարների պարտականությունները:
Դասընթացի ավարտին մասնակիցների կողմից կարևորեց նմանատիպ հանդիպումների շարունակական անցկացման անհրաժեշտությունը և կարևորությունը նոտարների կողմից ոլորտի վերջին զարգացումներին տեղեկանալու նպատակով: