ՄԱՄԼՈ ՀԱՂՈՐԴԱԳՐՈւԹՅՈւՆ
30.05.2023
ՀՀ կենտրոնական բանկի նախագահը մասնակցել է ԱՄՀ և ՀԲ Նիդեռլանդների/Բելգիայի ենթախմբի երկրների համաժողովին
ՀՀ կենտրոնական բանկի նախագահ Մարտին Գալստյանը մայիսի 24-27-ը մասնակցել է Տիվատ քաղաքում Մոնտենեգրոյի կենտրոնական բանկի կողմից կազմակերպված Արժույթի միջազգային հիմնադրամի և Համաշխարհային բանկի Նիդեռլանդների/Բելգիայի ենթախմբի երկրների համաժողովին՝ «Դեպի կայուն և բարեկեցիկ ապագա» թեմայով:
Համաժողովին քննարկվել են մակրոտնտեսական, ֆինանսական, ենթակառուցվածքային քաղաքականության, ինչպես նաև գաղթականների, փախստականների զանգվածային տեղաշարժերով պայմանավորված ֆինանսա-տնտեսական խնդիրների հետ կապված հարցեր:
Միջոցառման շրջանակում Մարտին Գալստյանը հանդիպել է ԱՄՀ և ՀԲ Նիդեռլանդների/Բելգիայի ենթախմբի գործադիր տնօրեն Փոլ Հիլբերսի, ենթախմբի երկրների կենտրոնական բանկերի ղեկավարների հետ, ելույթ ունեցել ԱՄՀ եվրոպական դեպարտամենտի տնօրեն Ալֆրեդ Կամմերի, Նիդեռլանդների, Բելգիայի, Ռումինիայի, Մոլդովայի կենտրոնական բանկերի նախագահների և Հյուսիսային Մակեդոնիայի ֆինանսների նախարարի մասնակցությամբ քաղաքականությունների լավագույն համադրության թեմայով պանելային քննարկմանը:
ՏԵՂԵԿԱՆՔ
ԱՄՀ և ՀԲ Նիդեռլանդների/Բելգիայի ենթախմբում ընդգրկված է 15 երկիր (Անդորա, Հայաստան, Բելգիա, Բոսնիա և Հերցեգովինա, Բուլղարիա, Խորվաթիա, Կիպրոս, Վրաստան, Իսրայել, Լյուքսեմբուրգ, Հյուսիսային Մակեդոնիա, Մոլդովա, Նիդեռլանդներ, Ռումինիա, Ուկրաինա, Մոնտենեգրո): Ենթախումբը նախագահում է գործադիր տնօրեն Փոլ Հիլբերսը, որն անդամ երկրների շահերը ներկայացնում է ԱՄՀ գործադիր խորհրդում:
Ենթախմբերի երկրների հանդիպումները տարեկան կտրվածքով կազմակերպվող կարևոր իրադարձություններ են, որոնց մասնակցում են եվրոպական և գլոբալ ֆինանսական համակարգի բարձրաստիճան պաշտոնյաներ և առաջատար փորձագետներ:
____________________________________________________________________
Հաղորդագրությունից օգտվելու դեպքում հղումը սկզբնաղբյուրին պարտադիր է:ԿԲ հասարակայնության հետ կապերի ծառայությունհեռախոս. (010) 592592-0702էլ-փոստ. mcba@cba.am www.cba.am