Վիճակագրության վարչությունը մշակում և զարգացնում է վիճակագրական մեթոդաբանությունը, հավաքագրում, մշակում և վիճակագրական վերլուծության է ենթարկում տնտեսության բոլոր հատվածներին վերաբերող տվյալներ և զարգացնում է Կենտրոնական բանկի տվյալների շտեմարանը, իրականացնում է զանազան վիճակագրական հարցումներ, մուտքագրում և մշակում է վարկատուների կողմից Վարկային ռեգիստրին տրամադրվող տվյալները, ապահովում է օգտագործողներին տրամադրվող տեղեկատվության արժանահավատությունը, ինչպես նաև զարգացնում է վարկային և ապահովագրական ռեգիստրը: Վարչությունն իր կառուցվածքում ունի Դրամավարկային և ֆինանսական վիճակագրության բաժին,Հաշվետվությունների ընդունման և ամփոփման բաժին, Տնտեսական վիճակագրության զարգացման բաժին, Արտաքին հատվածի վիճակագրության բաժին և Վարկային ռեգիստրը:

 

Դրամավարկային և ֆինանսական վիճակագրության բաժինը հավաքագրում, մշակում և վերլուծում է դրամավարկային և ֆինանսական վիճակագրության ցուցանիշները, միջազգային լավագույն փորձին համահունչ զարգացնում է ՀՀ դրամավարկային և ֆինանսական վիճակագրության մեթոդաբանությունը: Իրականացնում է շրջանառությունում կանխիկ արտարժույթի պաշարի եւ հոսքերի գնահատումը, ենթաօրենդրական ակտերով սահմանված կարգով վիճակագրական տեղեկատվություն է տրամադրում միջազգային կազմակերպություններին, ՀՀ գերատեսչություններին և ԿԲ ստորաբաժանումներին, ինչպես նաև պատրաստում է ԿԲ վիճակագրական հրապարակումները համակարգում այդ գործընթացը:

 

Հաշվետվությունների ընդունման և ամփոփման բաժինը հավաքագրում, ամփոփում և վերլուծում է վիճակագրական և վերահսկողական տվյալներ ֆինանսական համակարգի մասնակիցների վերաբերյալ, ֆինանսական հատվածի վիճակագրություն է տրամադրում Կենտրոնական բանկի ստորաբաժանումներին, ինչպես նաև ազգային և միջազգայկին կազմակերպություններին (Ազգային Վիճակագրական Ծառայություն, Ֆինանսների Նախարարություն, Արժույթի Միջազգային Հիմնադրամ, Համաշխարհային Բանկ և այլն), վերլուծում է ֆինանսական համակարգի կայունության ցուցանիշները:

 

Տնտեսական վիճակագրության զարգացման բաժինը վերլուծում է Ազգային հաշիվները և տնտեսության իրական հատվածին վերաբերող այլ տվյալներ, իրականացնում է սպառողական գների մոնիտորինգ և Կենտրոնական բանկի կողմից ոչ ֆինանսական ձեռնարկությունների վարկանշման գործընթացը, կատարում է եռամսյակային հետազոտություններ և հաշվարկում է տնտեսական ինդեքսները, անց է կացնում հարցումներ տնտեսության տարբեր հատվածների` գնաճի սպասումների վերաբերյալ:

 

Արտաքին հատվածի վիճակագրության բաժինը հավաքագրում, վերլուծում և ամփոփում է արտաքին հատվածի ցուցանիշները (Վճարային հաշվեկշիռը, Միջազգային ներդրումայինդիրքը, Արտաքին պարտքը), վերլուծում է դրամավարկային և ֆինանսական կազմակերպությունների արտաքին պարտքը, հավաքագրում և մշակում է տվյալներ դրամային փոխանցումների վերաբերյալ, ինչպես նաև արտաքին հատվածին վերաբերող այլ տվյալներ:

 

Վարկային ռեգիստրը հավաքագրում և վարկային ռեգիստր է մուտքագրում տեղեկատվություն ֆինանսաբանկային համակարգի վարկառուների, ինչպես նաև ապահովագրական պայմանագրերի վերաբերյալ, կազմում և զարգացնում է ապահովագրական ռեգիստրը, կարգավորում և ընթացիկ ու պարբերական ինֆորմացիա է տրամադրում օգտագործողներ